إبليس يهاجر من مصر أعرف السبب !

إبليس يهاجر من مصر !




على باب السفارة 
 لمحت ﺍﺑﻠﻴس فى أيده ﺍﺳﺘﻤﺎﺭﺓ
ﺑﻘﻮﻟﻪ ﻋﻠﻰ ﻓﻴﻦ ﻗﺎﻟﻲ ﺑﺺ
ﻳﺎ  أما ﻫﺠﺮﺓ ﻳﺎأما  ﺍﻋﺎﺭﺓ
ﻳﺎ ﻋﻢ ﺍﻧﺎ ﻛﻔﺮﺕ ﻭ ﺯﻫﻘﺖ
ألقيش ﻣﻌﺎﻙ ﺳﻴﺠﺎﺭﺓ
ﺃﻧﺎ ﺍﻧﺘﻬﻴﺖ ﺧﻼﺹ
ﻻ ﻧﺎﻓﻊ ﻭﺳﻮﺍﺱ ﻭ ﻻ ﺧﻨﺎﺱ
ﻭ ﻻ ﻟﻴﺎ ﻋﻴﺶ ﻭﺳﻂ ﺍﻟﻨﺎﺱ
ﺩﻭﻝ ﻋﺎﻟﻢ ﻣﺠﺮﻣﻴﻦ
ﻋﻨﺪكم  ﻓﺎﺋﺾ فى ﺍﻟﻔﺴﺎﺩ
ﻑ ﻛﻞ ﺍﻟﺒﻼﺩ
ﻭ ﻣﺶ ﻣﺤﺘﺎﺟﻴﻦ ﺷﻴﺎﻃﻴﻦ
ﻣﻠﻴﺶ ﻋﻴﺶ فى  ﺍﻟﺒﻠﺪ ﺩﻱ
ﺑﻘﺎﻟﻲ ﺳﻨﻴﻦ ﻋﺎﻃﻞ
ﻭ ﺍﻧﺘﻮ ﺑﺘﻌﺮﻓﻮ ﺗﻘﻠﺒﻮ ﺍﻟﺤﻖ ﺑﺎﻃﻞ
ﻭ ﺗﺴﻠﻜﻮﺍ ﺍﻟﻘﺎﺗﻞ
ﻭ ﺗﻤﺸﻮﺍ ﻑ ﺟﻨﺎﺯﺓ ﺍﻟﻤﻘﺘﻮﻝ
ﻭ ﻣﻔﻴﺶ ﻣﺸﺎﻛﻞ
ﻳﺎ ﻋﻢ ﺩﻩ ﺍﻧﺎ ﺑﻘﻴﺖ ﺍﻭﺳﻮﺱ ﺑﺎﻟﻤﻘﻠﻮﺏ
ﻭ ﺍﻗﻮﻝ ﻟﻠﺤﺮﺍﻣﻲ ﻛﻔﺎﻳﺔ ﺑﻘﻰ ﺗﻮﺏ
ﺍﻧﺖ ﻟﻮﺣﺪﻙ ﻫﺘﻌﻤﻞ ﻛﻞ ﺍﻟﺬﻧﻮﺏ
ﻭ ﺍﻧﺎ ﺍﺑﻠﻴﺲ ﺍﺷﺘﻐﻞ ﻭﺍﻋﻆ
ﻭ ﻻ ﻛﻤﺴﺎﺭﻱ ﻑ ﺍﺗﻮﺑﻴﺲ
ﻳﺎ ﻋﻢ ﺩﺍ ﺍﻧﺎ ﺯﻣﺎﻥ ﻛﻨﺖ ﺍﺳﺘﻨﻰ ﺣﺪ ﻳﻨسى يقول بسم الله 
ﻭ ﻫﻮ ﺑﻴﺎﻛﻞ ﻟﻘﻤﺘﻪ
ﺩﻟﻮﻗﺘﻲ ﻛﻞ ﺍﻛﻠﻜﻮﺍ ﻣﻠﻮﺙ
ﻭ ﺑﺼﺮﺍﺣﺔ ﺍﻟﻮﺍﺣﺪ ﺧﺎﻳﻒ ﻋﻠﻰ ﺻﺤﺘﻪ
ﺩﻩ ﻣﻔﻴﺶ ﺿﻤﻴﺮ ﺍﺳﺎﺳﺎ
ﻋﻠﺸﺎﻥ ﺍﻣﻮﺗﻪ
ﻛﻞ ﻭﺍﺣﺪ ﺑﻤﺰﺍﺟﻪ ﺧﺮﺑﺎﻧﺔ ﺯﻣﺘﻪ
ﻳﺎ ﻋﻢ ﺩﺍ ﻛﻞ ﺣﺎﺟﺔ ﺍﺗﺴﺮﻗﺖ
ﻭ ﻛﺪﻩ ﺍﻻﺟﻴﺎﻝ ﺍﻟﺠﺪﻳﺪﺓ ﻣﻦ ﺍﻟﺤﺮﺍﻣﻴﺔ
ﺍﺗﻈﻠﻤﺖ
ﻳﺎ ﺭﺍﺟﻞ ﺩﺍ ﻣﻦ ﻛﺘﺮ ﻣﺎ ﻟﻄﺸﺖ ﻣﻌﺎﻳﺎ
ﺧﺮﺟﺖ ﻑ ﻣﻈﺎﻫﺮﺓ ﻣﻊ ﺍﻟﻨﺎﺱ ﺍﻟﻠﻰ ﺑﺘﻘﻮﻝ
ﻛﻔﺎﻳﺔ
ﻭ ﺑﺮﺿﻪ ﻣﻔﻴﺶ ﻓﺎﻳﺪﺓ 
أنا ماعدتش ليا عيش فى البلد دى
#إبليس

تصنيف :